Andleg heimsmynd

Efnisleg kosmísk heimsmynd stjarneðlisfræðinnar er ekki síður flókin.

Fyrir lesanda efnis í þróunarheimspeki koma fyrir hugtök sem eru framandi og í raun verður til ný heimsmynd, andleg kosmísk heimsmynd. Hér er sett upp myndræn framsetning á innri uppbyggingu sólkerfis okkar, sem er endurspeglun enn hærri sviða alheimsins og sköpunarinnar. 

Stjarneðlisfræðin

Stjarneðlisfræðin er vísindi sem beitir aðferðum og meginreglum eðlis- og efnafræði við rannsóknir á stjarnfræðilegum hlutum og fyrirbærum. Einn stofnanda greinarinnar, James Keeler, sagði, „leit stjarneðlisfræðinnar er rannsókn á eðli himintunglanna, frekar en stöðu þeirra eða hreyfingar í geimnum – hvað þau eru, frekar en hvar þau eru.” Rannsóknarefnin eru sólin, stjörnur, vetrarbrautir, plánetur utan sólkerfisins okkar, kraftar og geislar geimsins. Útgeislun efnishlutanna, allir hlutar rafsegulsviðsins og eiginleikar svo sem birtustig, þéttleiki, hitastig og efnasamsetning. Stjarneðlisfræðin er mjög víðtækt viðfangsefni, því beita stjarneðlisfræðingar hugtökum og aðferðum úr mörgum greinum eðlisfræðinnar, þar á meðal klassískri aflfræði, rafsegulfræði, tölfræði aflfræði, varmafræði, skammtafræði, afstæðisfræði, kjarna- og agnaeðlisfræði og lotu- og sameindaeðlisfræði.

Þróunarheimspekin

Segja má að þróunarheimspekin sé andleg stjarneðlisfræði sem skoðar alla sömu þætti, -en innri þætti kosmosins. Stjarneðlisfræðin er áhorfandinn sem rannsakar gang himingeimsins. Þróunarheimsspekin er þátttakandinn, maðurinn sjálfur og rannsókn á tengslum sínum við öfl himingeimsins. Eins og stjarneðlisfræðin þarf þróunarheimsspekin sín hugtök til að skýra fyrirbrigðin og öflin sem eru að verki í þeirra heimsmynd, því beitir hún m.a. hugtökum og aðferðum sambærilegra fyrirbrigða í Vedas og Buddisma.

Maðurinn er kosmosinn í örmynd, í honum býr kjarni sem getur skilið öfl tilverunnar, en til þess þarf hann að þekkja sjálfan sig, aga sjálfan sig, elska sjálfan sig. Hann einn þarf að finna leiðina til að efla vitund sína. Hver og einn leitandi er ólíkur, hugarfar, vitundarstaða og skapgerð, hafa áhrif á hvert hann leitar og hvers. Þess vegna er þetta vefsvæði sett upp með þessum hætti, að leitandi geti fundið efni sem höfðar til hans.   

Lávarður BÚDDHA hefur sagt

Að við megum ekki trúa, aðeins vegna þess að svo er sagt; né af arfsögnum fortíðar; né af orðrómi; né af skrifum spekinga; né af hugdettum okkur; né af okkar eigin ályktunum; né af nauðsyn; né af áhrifavaldi kennara okkar. En við eigum að trúa þegar ritverkið, kenningin eða ummælin eru studd af okkar eigin skynsemi og vitund. 

Þess vegna, segir hann að lokum, „kenndi ég ykkur að trúa ekki vegna þess eins að þið hafið heyrt, heldur þegar og ef þið trúið samkvæmt ykkar innri vitund, og að bregðast þá kröftuglega við í samræmi við það.“